Eleksyon nan peyi Nikaragwa: Daniel Ortega pa lejitim pou Léon Charles, reprezantan Ayiti nan OEA

Eleksyon nan peyi Nikaragwa: Daniel Ortega pa lejitim pou Léon Charles, reprezantan Ayiti nan OEA

Nan yon reyinyon videyo konferans ki fèt sou tribin OEA, pou panche sou eleksyon ki te òganize dimanch ki sot pase a nan peyi Nikaragwa, yè vandredi a, Léon Charles ki apèn retounen anbasadè Ayiti nan OEA, aprè demisyon l nan tèt polis nasyonal la, vote kont Nikaragwa.

34 peyi te konte nan kad seyans sa. 25 vote kont Daniel Ortega, 1 vote pou li, 7 lòt deside rete nan mitan epi 1 te absan.

Léon Charles vote pou di Daniel Ortega pa lejitim, pami 25 peyi ki kont reyalizasyon eleksyon prezidansyèl Nikaragweyèn yo, daprè yo ki chaje ak fwod. Kidonk, majorite a ki ranpòte vòt sa sinonim ak pozisyon Òganizasyon Leta Ameriken an.

Sou entènèt la, vòt Léon Charles la leve chalè anpil Ayisyen. Anpil twit ale nan sans pou denigre epi rele Léon Charles kriminèl, ki retounen nan OEA pou fè blan ameriken plezi.

Aprè yon ensidan konsa ki te pase ak Jovenel Moïse, ki te kanpe anfas prezidan Venezyelyen an Nicolás Maduro. Ayiti sou wout pou l fè yon nouvo ènmi diplomatik sou gouvènay Ariel Henry.

LIRE AUSSI

Leave a Comment

PressLakay