mercredi 21 février 2024
L'expérience d'un média en ligne de confiance

Fòs militè peyi Kolonbi mete men nan kòlèt «Otoniel », yon dilè dwòg yo t ap chache anpil

Fòs militè peyi Kolonbi mete men nan kòlèt «Otoniel », yon dilè dwòg yo t ap chache anpil

Dairo Antonio Ùsuga alyas Otoniel, 50 lane, se non chèf katèl dwòg sa fòs militè nan peyi Kolonbi rive fouke. Yon enfòmasyon prezidan Konlonbyen an, Iván Duque konfime samdi 24 oktòb la.

Aprè arestasyon sa, prezidan Konlonbyen an fè konnen se yon gwo viktwa pou gouvènman l lan k ap batay kont vyolans militan yo. Toujou daprè sa prezidan Iván fè konnen, dilè dwòg sa se li menm ki kontwole youn nan gang ki pi vyolan nan koze dwòg sou tèritwa Konlonbyen an. « Clan del Golfo» se non gwoup sa ki te nan lis Etazini pou trafik kokayin pandan yon tan.

Antonio Úsuga akize kòm moun ki responsab asasina anpil polisye, sòlda ak dirijan sivik. Nan kontèks sa, Prezidan Iván Duque fè konnen, Antonio se pi gwo chèf dwòg nan mond lan.

« Se kou ki pi di trafik dwòg la pran depi yon syèk nan peyi nou an. » se sa prezidan Konlonbyen an deklare.

Yon kou daprè lapolis nan peyi Kolonbi, ki pa konparab ak tonbe Pablo Escobar nan ane 1990 yo. Pandan operasyon sa, yon ofisye 34 lane pèdi lavil nan afwontman pou te kaptire Otoniel.

5 milyon dola se te prim depatman leta américain te pwomèt ak moun ki te rive bay pis pou kaptire oubyen kondane Usuga Antonio Dairo, ki te enplike nan distribisyon entènasyonal kokayin epi kòm chèf yon gwoup ki gen ladan l teyoris ki vrèman vyolan.

LIRE AUSSI

Leave a Comment

PressLakay