Grenadye : Alaso !

0 23

 

Ki pi bèl egzanp ki te ka genyen nan kriz politik nap travèse a ke sa nou bay le mond antye yè swa a ? Ayisyen renmen ini yo nan malè, nou menm, nou ini nou nan yon jwèt e nou pwouve ke n kapab.

« Linyon fè la fòs », se lejand sa a nou mete nan drap nou an. An nou pran l nou mete l a klè devan klas politik la e nou montre l ke lenmi a pa lòt frè a, men se blan an.

Jou politisyen ayisyen va pran egzanp yè swa a kòm estrateji, ayiti va sòti deyè kamyonèt la mizè a, la rantre nan batay antikoripsyon pou l gen batay devlopman an.
Lè sa a Grenadye yo va pike pi devan, na sispan goumen antre nou, na kite jwe jwèt blan an, kap vini ba nou dikte tanzantan an, na sispann ba yo korije kaye nou paske se nou ka ekri listwa nou.
Grenadye kontinye, nou se lespwa yon nasyon kap deperi. Grenadye pa febli, montre lemond entye, viktwa se pou pèp kap lite. « Linyon fè la fòs », men fòk nou sispann divize.
Ayiti fyè de nou, nou se lonè pèp ayisyen.

Pedrica SAINT JEAN
Sitwayèn angaje

Laisser un commentaire

Votre adresse email ne sera pas publiée.

This website uses cookies to improve your experience. We'll assume you're ok with this, but you can opt-out if you wish. Accept Read More