SE SÈMAN PAM

0 166

Se sèman pa m, m ap toujou rete moun mwen ye a, mwen p ap chanje kazak Mounite m pou anyen. E m ap pwofite di anpil moun mèsi pou kontribisyon yo nan moun mwen ye jodi a, pou tèt mwen e pou peyi m.

M ap felisite kèk nan enstitisyon mwen souvan kolabore avèk yo nan travay y ap fè pou Ayiti pa fin ale nèt.

Vin moun se pa yon bagay ki fasil, sitou nan eta etranje k ap dirije Ayiti lage l jounen jodi a… Men m ap konseye e ankouraje Jèn n yo fè anpil efò pou chache moun nan peyi a ki ka sèvi yo kòm modèl. Genyen!

Menm si li p ap fasil pou nou jwenn Bon Ayisyen nan mitan demagòg dwategòch ki toujou gen lavwa ochapit yo.

Men mwen pèsonèlman m konn kèk grenn ki pa janm fè gwo bri, yon seri pezib sitwayen ki rete ap goumen anba anba pou enfliyanse pozitivman nan nivo yo kapab. Moun sa yo la. Se pwojektè ki pa sou yo e sou sa y ap fè.

Se domaj nou pa ka bay moun sa yo baton pou yo ta pale epi aji piblikman. Men rale zòrèy yo p ap yon peche, pou eta Ayiti ye la. Mesye-Dam, nou dwe pran responsablite nou pou asime misyon jenerasyon nou reprezante a. Sinon, Listwa ap jije nou kòm kò-responsab, menm si nou pa t konte pami koupab.

M ap di Ayibobo pou :
FORUM 2104 (JÈM AYITI), espesyalman J’OSE H. Lamy e Métuschael Prosper ;

GAFE AYITI, espesyalman David Tilus ;

Ti mesye LEGB’ART m yo, ann kenbe la! nou pa dwe dekouraje, paske nou kwè nan nouvo Ayiti k ap kouve a.

Moun sa yo ogmante mounite chak jou nan sa y ap di e fè vizavi Anviwònman imedya yo, sa k ap gen efè sou sosyete a yon jou.

Mwen kwè sa jouk nan fenfon nanm mwen : « Ayiti gen Ayisyen », peyi a gen moun ladann l. An nou chache vrè pitit Ayiti yo pou modèl. Paske se valè ki konn valè valè!

Menmjan si n t ap lote move grenn, lis la t ap long, se menmjan an tou, si pou n ta pran site Bon Grenn, lis la t ap twò long tou.

Konte m, m a konte w ;
Konte sou mwen, m a konte sou ou ;
Pou Ayiti Reviv!

JBP || 25/02/2021

Laisser un commentaire

Votre adresse email ne sera pas publiée.

This website uses cookies to improve your experience. We'll assume you're ok with this, but you can opt-out if you wish. Accept Read More