Sosyete: Opozisyon an rann omaj ak polisye ki te tonbe nan afwontman vilaj de dye yo.

0 24

Pou rann omaj ak polisye ki te tonbe nan operasyon pou degèpe gwoup endividi ame k ap opere nan vilaj de dye jou ki te vandredi 12 mas 2021 an, Sektè opozisyon an (DIRPOD) òganize jodi madi 30 mas 2021 an, yon seremoni senbolik nan memwa polisye sa yo nan otèl « Le Plaza » sou channmas.

Devan anpil militan ak reprezantan kèk sektè nan sosyete sivil la, seremoni sa te anime ak deklarasyon entèvenan yo ki t ap denonse malvèzasyon pouvwa PHTK. Daprè yo ki se sèl fòs ame legal nan peyi Dayiti. Opozisyon an òganize aktivite sa nan lide pou di polisye yo, yo kanpe bò kote yo.

Pòt pawòl Sektè Demokratik ak Popilè a, mèt André Michel te pran la pawòl pou l voye toya sou Léon Charles ak Jovenel Moïse ki vle kraze enstitisyon polis la. Ènmi jire pouvwa fè konnen opozisyon an ap rete soude bò kote polisye yo, daprè li k ap fè travay yo.

« Operasyon Vilaj de Dye a echwe paske bandi yo te gen enfòmasyon ki sòti menm nan palè nasyonal pou di yo polisye yo ap vin opere nan Vilaj la. Sa koute nou jodi a lavi 4 polisye » akizasyon pòt pawòl Sektè Demokratik ak Popilè a.

 » Léon Charles ak Jovenel Moïse, fè tout sa yo konnen pou kraze kò polis la, lè yon pouvwa mare sosis li ak bandi pou federe yo pou mete kanpe G9. Lè yon chèf lapolis deside tou akize yon polisye ke bandi touye kòm moun ki t al piye sa k pa pou li. Sa yo se mannèv pou yo demantle kò polis la. Opozisyon an ap kontinye sipòte polisye yo, e n ap fè solidarite tou ak manm SPNH 17 la. Se sèl nan tèt ansanm nou ka sòti nan sa Jovenel Moïse ak Léon Charles mete lapolis jodi a « , pou ajoute Mèt André Michel

Pastè Gérald Bataille, ki te nan seremoni sa te pran lapawòl pou l fè konnen Bondye pa janm gad moun sou aparans, li vle tout moun viv jan yo dwe viv.

« Li lè li tan pou eskòdwon lanmò sa sispann touye pitit peyi a. Bondye pa t janm gade moun sou aparans li vle lavi pou tout moun, pou rezon sa n ap rann yon dènye omaj ak polisye sa yo ki pèdi lavi yo, epi senpatize nou ak pwòch yo. Se pou tout ayisyen epi moun tou ki kenbe peyi nan kou pran konsyans, pou yo libere peyi a »

Opozisyon an pwofite tou, pou mande pouvwa retounen sou tout desizyon l ap pran pou pouswiv nan fason ilegal tout polisye k ap goumen pou dwa yo genyen pou yo fè sendika. Opozisyon an ekzije liberasyon san pran tan tout polisye ki nan prizon yo.

Maxime Louissaint.

Laisser un commentaire

Votre adresse email ne sera pas publiée.

This website uses cookies to improve your experience. We'll assume you're ok with this, but you can opt-out if you wish. Accept Read More