Tag:

Ayiti

Ayiti: Akademi Kreyòl Ayisyen ap rekrite etidyan finisan FLA ak FDSE nan kad yon pwojè

Par La Redaction 24 avril 2022

écrit par La Redaction

Akademi Kreyòl Ayisyen (AKA), nan yon nòt, anonse l ap rekrite Etidyan finisan nan Fakilte Lengwistik Aplike (FLA) epi nan Fakilte Dwa Syans Ekonomik (FDSE) pou yo jwe wòl Asistan Editoryal nan kad elaborasyon yon diksyonè tèminoloji jiridik.

Sila yo ki enterese dwe pote prèv yo se yon etidyan finisan (ki nan dènye ane fòmasyon oswa ki konplete pwogram etid li nan domèn lengwistik ak dwa. Gen abilte pou travay ak lojisyèl Microsoft Office Word, Excel, Powerpoint. Konpreyansyon Potoshop osinon Corel Draw; Gen konesans nan lòt domèn Syans Imèn.

Chak kandida dwe pote kourikoulom vite, yon lèt motivasyon, yon lèt rekòmandasyon yon otorite akademik, Fotokopi dokiman (atestasyon, diplòm, sètifika) ki pwouve pwofil kandida a satisfè egzijans AKA.

Dat limit pou soumèt dosye yo se mèkredi 27 avril 2022 anvan 3:00 nan aprè midi 31, Ri Babyòl lokal Fany Villa, Biwo pwovizwa Akademi an.

24 avril 2022 0 commentaire

Kreyòl

Ayiti: yon gwoup ekriven soti nan silans yo pou denonse zak ensekirite ak kriz k ap brase bil peyia

Par La Redaction 22 février 2022

écrit par La Redaction

"Nou menm ekriven ak atis ayisyen, nou voye yon kout lanbi bay sitwayèn ak sitwayen konsekan ann Ayiti tankou lòt bò dlo, pou nou mande yo melanje vwa yo ak vwa nou, pou nou pouse ansanm yon rèl soti nan zantray nou ki di ase! Ase grangou, ase san, ase lanmò, ase kadejak, ase kidnaping, ase dlo nan je, ase fè nwa pou pitit tè a", se sa yo ekri nan yon nòt yo mete deyò pandan finisman semèn nan.

Yo ajoute, move politik ak move gouvènans soti depi diktati Divalye an, rive jounen jodi a, vyole espwa nou, dechire rèv pèp la miyèt moso. Koripsyon se sèl kòk ki chante nan baskou dirijan ki mennen nou jounen jodi a nan bouch twou a.

Li klè pou tout moun relasyon Ayiti ak swadizan zanmi l yo deteryore depi kèk lane. Nou mande nan ki lòt peyi, jodi a, leta etranje yo mete diplomasi sou kote pou yo bay lòd sou rezo sosyo ? Ki lòt konplo kap fèt kont pèp Ayisyen an la a ?

Se sou Tweeter pèp la aprann reprezantan ONI apiye inisyativ makònen gang yo pou ranfòse tout malvèsasyon kap fèt nan peyi a. Se ekspè OEA ak Etazini ki pran pawòl sou Facebook elatriye pou entèprete konstitisyon pèp Ayisyen an nan jan pa yo, pou yo fini pa eksplike nou kilè manda Jovenel Moïse t ap fini. Se sou Tweeter reprezantan ONI remete yon minis demisyonè nan pòs li, pou l revoke aprè yon semèn e nonmen yon lòt.

Nou pa bezwen bay tout egzanp endiyasyon y ap fè nou sibi depi kèk tan nan fas tout moun. Jodi a pwoblèm nan ta sanble se yon zafè lejitimite. Nan non kilès Aryel Henry lejitim? Nan non moun ki te mete l yo ? Moun sa yo pa pèp la antouka.

Se fas a avani sa a yon bon pati nan sosyete sivil la deside pran responsabilite l. Sa l ap chèche se pa yon lejitimite konstitisyonèl, yon bagay ki enposib jodi a ni se pa lejitimite rezo sosyo Madan Lalim, OEA ak anbasadè ameriken elatriye ap distribye pasi pala nan peyi a. Nou rann nou kont swadizan zanmi nou yo pran plezi pou yo kenbe n nan kawo yo mete nou an. Nan mitan kawo, se yon bagay tou nèf ki pou parèt pou kreye yon nouvo lòd.

Kettly Mars, Syto Cavé, Pierre Brisson, Lyonel Trouillot, Emmelyn Cantave, Jean Casimir se kèk pami ekriven ki siyen nòt sila.

22 février 2022 0 commentaire

Politik: ANN KANPE kondane zak makout lapolis ap fè sou jounalis yo.

Par Maxime Louissaint 13 février 2021

écrit par Maxime Louissaint

ANN KANPE ki se yon estrikti ki regwoupe anpil etidyan nan fakilte Leta yo ak anpil lòt inivèsite prive, nan yon konferans li bay laprès jou ki vandredi 12 Fevriye 2021 an, di li kondane zak abi lapolis ap fè sou jounalis ak militan yo. ANN KANPE pwofite tou pou li raple ke depi 7 fevriye Jovenel Moïse pa prezidan peyi a ankò.

Jackson Louis Socrate ki se yon manm regwoupman sa te pwofite okazyon an pou l voye yon kout chapo bay travayè laprès yo epi tou pwofite kondane zak lapolis ap fè sou yo, pou anpeche yo fè travay yo jan yo dwe fè l la.

"Jodi a nou wè lapolis wè moun ki menas pou li se moun k ap fè pase revandikasyon yo anndan peyi a, se etidyan yo, se jounalis yo. Pandan moun k ap masakre moun nan katye popilè yo, tankou bèlè, lasalin, gran ravin, se pa yo ki menas lapolis. N ap di lapolis dwa nou genyen pou nou manifeste, pou revandike nan respè lalwa se pa yon kado, men se rezilta yon gwo batay pèp ayisyen an te mennen gras ak jenerasyon 1986 la pou nou te sòti anba diktati. Nou p ap kite lapolis ak tout rejim defakto ki la vin fè nou tounen nan pratik bout kanson", deklarasyon Jackson Louis Socrate.

Jackson Louis Socrate te pwofite menm okazyon sa pou li raple ke Jovenel Moïse se ansyen prezidan peyi a depi 7 fevriye pase a.

" Nou pa rekonèt Jovenel Moïse kòm prezidan ankò, Jovenel Moïse se yon Koudetamann. Nou mande sosyete sivil la epi ansanm pati politik yo, pou yo prese prese enstale yon nouvo prezidan nan tèt peyi a pou vin remanbre Leta ak tout enstitisyon yo ke Jovenel Moïse te kraze pak an pak depi lè li te nan tèt Leta".

Oliscat Dieulec ki se tou manm ANN KANPE, ki pat gen yon pawòl diferan ak kòlèg li a, te rale atik 134-2 a pou l di Jovenel se konstitisyon ki te bal manda, se li menm ki retire l nan men l.

"Nou di prezidan Jovenel Moïse babay nou pa rekonèt li kòm prezidan peyi a ankò", deklarasyon Oliscat Dieulec.

ANN KANPE te tou pwofite tou envite Popilasyon an pou patisipe nan gwo mach sa k ap fèt dimanch k ap 14 fevriye nan tout peyi a pou di non ak pouvwa diktati epi di Jovenel Moïse yo pa rekonèt li kòm prezidan peyi a ankò.

Mach sa ap gen tankou pwen rasanbleman, devan fakilte etnoloji, kafou Ayopò ak plas konstitisyon an sou channmas. Yon mach k ap gen pou fini sou plas kanapevè a.

Maxime Louissaint.

13 février 2021 0 commentaire

Actualités Culture

Votez la ravissante Mirlene PIERRE 09

Par La Redaction 15 novembre 2017

écrit par La Redaction

Cliquez iciMirlène PIERRE 09 / Queen Bikini Ayiti

15 novembre 2017 0 commentaire