Teknoloji: Samsung prezante dènye modèl telefòn li pou ane 2022 a

Teknoloji: Samsung prezante dènye modèl telefòn li pou ane 2022 a

Gwoup pwodikssyon telefòn entèlijan Sid Koreyen an, Samsung, devwale jodi 9 fevriye 2022 a, dènye modèl telefòn li k ap disponib nan finisman fevriye a pou rive mwa Mas k ap vini la nan peyi Lafrans.

Teknoloji: Samsung prezante dènye modèl telefòn li pou ane 2022 a
samsung S22/ cp: BFMTV

“Galaxy S22” se non nouvo telefòn sa ki genyen 3 modèl; Galaxy S22, S22+ ak S22 Ultra. Daprè BFMTV, nouvo modèl sa, se konkiran IPhone 13 ak 13 Pro mak «Apple».

Daprè eksplikasyon antrepriz la, S22 ak S22+ la pa lwen fonksyon S21 an nan sa ki gen rapò ak «Design». Ekran S22 a mezire 6,1 pous, 6,6 pous pou S22+ ak kapasite afichaj 120 imaj pa segonn. Yo genyen tou yon ekipman foto ki pa lwen iPhone 13 la ak 13 Pro a. Yo konpatib ak rezo 5G. Pou S22 Ultra, li gen yon kapasite pi avanse pase 2 premye modèl yo, mete sou sa li kapab reziste anba dlo.

2 premye modèl ( Galaxy S22 ak S22+) ap disponib nan peyi lafrans 11 Mas, Galaxy S22 Ultra ap disponib 25 fevriye k ap vini la. Nan kapasite estokaj, modèl sa yo kòmanse nan 128 Go pou rive jiska 512 Go.

LIRE AUSSI

Leave a Comment

PressLakay