«Viv Ayiti» kondane san rezèv zak asasina ki fèt sou prezidan Jovenel Moïse epi mande klas politik la pou jwenn yon altènativ prese prese

VIV AYITI

Nan yon nòt li mete deyò jodi mèkredi 7 mas 2021, òganizasyon sosyopolitik «VIV AYITI» di li kondane ak tout fòs li zak asasina ki fèt sou prezidan repiblik la Jovenel Moïse. Estrikti politik sa yon lòt fwa ankò mande pou fèmen wobinèt san sa ki ouvè sou peyi a depi anpil ane. VIV AYITI pwofite pou l fè yon apèl solanèl ak tout fòs viv peyi a ak klas politik la pou yo chita pou jwenn yon altènativ prese prese.

N ap envite w li nòt la.

Òganizasyon Sosyopolitik VIV AYITI aprann avèk anpil kè sere nouvèl asasina ansyen prezidan Jovenel Moïse lakay li nan lanwit 6 pou louvri 7 jiyè 2021 an, e blese grav madanm li Madam Martine Moïse. VIV AYITI kondane san rezèv zak sasinay sa e mande yon lòt fwa ankò pou robinè san ki louvri sou peyi a depi kèk tan, fèmen.

VIV AYITI ap pwofite lokazyon an pou voye senpati bay fanmiy defen an, an patikilye Madanm li ak pitit li, tout zanmi li ak tout moun ke zak sa afekte. Vyolans pa janm meyè chimen pou rezoud pwoblèm ki ekziste nan yon sosyete. Nan sans sa a, VIV AYITI ap mande popilasyon an nan tout 4 kwen peyi a pou yo kenbe kalm yo.

Mete AYITI devan tout bagay. Aji avèk entèlijans e respè dwa chak moun genyen pou viv lib e libè sou moso tè sa zansèt nou yo te kite pou nou an, pandan nap lanse yon apèl solanèl ak klas politik la ak tout lòt fòs viv peyi a pou n jwenn yon altènativ rapid vit.

Viv lavi!
VIV AYITI.

LIRE AUSSI

Leave a Comment

PressLakay