Yon sòlda Ikrèn pèdi lavi l nan yon bonbademan separatis pwòch peyi Larisi yo

Agence presslakay

Tansyon an pa sispann monte nan kontinan Ewòp la ant Dirijan Ikrèn yo ak Larisi epi alye l yo ki se saparatis yo. Ayè madi a, anviwon 7 moun viktim nan yon bonbademan separatis pwòch Larisi yo ki se rejyon Donetsk ak Lougansk.

Daprè France 24, yon sòlda mouri nan lame Ikrèn nan, 6 lòt moun sòti blese. Nan Rejyon Lougansk, yon militè li menm rive jwenn lanmò l, daprè sa Pavlo Kovaltchouk, pòt pawòl militè Lougansk lan fè konnen. Koz afwontman sa pa kominike, men ensidan rive, nan mwens 24 trè aprè Prezidan larisi a, Vladimir Poutine ta pral di li rekonèt endepandans 2 tèritwa « Donbass » nan yon diskou li fè yè lendi a.

Inyon Ewopeyèn deja prevwa pran sanksyon kont desizyon sa pou li ki se yon vyolasyon dwa entènasyonal entegrite teritiryal Ikrèn ak akò « Minsk » yo. Poutine bò kote pa l kanpe fèm sou desizyon l pandan l mande pou palman ris la chita vit sou relasyon diplomatik 2 tèritwa sa yo k ap genyen tou pou gen relasyon diplomatik ak Kremlin.

Sanksyon Inyon Ewopeyèn yo(UE) ta vize frape sektè ekonomik Larisi a (Meri yo) daprè sa nou li kòm tit sou tele France 24.

LIRE AUSSI

PressLakay